*كده!*
بزعل أوي أما الآقيني كده
تايهة ف حتة صغيرة أد كده
ومش فاهمة ليه أنا هنا
ولا عارفة أخرج من هنا والا هنا؟!
وألف أبص من هنا ومن هنا
وأجري لهناك
وأما أقف الآقيني لسه ف مكاني هنا
ولا خطوة واحدة أتقدمتها
واليوم شطح
وأسأل بخضة وخوف
ليه كل ده؟
يجي الجواب من حتة جوايا صغنتتة
ده اليأس غربة وشحططة
ومرار كبير ولخبطة
ألم نفسي كلها جوا الجواب
وأطرزه عليا توبي وفرحتي
وأخرج لبكرة من دايرة عتاب
لطاقة أمل
بقت صديق
أكمن لولاها كنت هفضل كده
جوايا مش لاقياني
وبره مش لاقية الطريق
ساره نهل المصري
"همس القمر"
12-7-2009
الساعة 5:51 فجرا
